icon

গমপানাত্তুন কোচপানা

ম্যাকলিন চাকমা

Last updated Apr 2nd, 2020 icon 275

এচ্চে ভালোক দিন পর পেজাল্লে ক্যাম্পাসত বেড়েবার উদিঝে বার অল।এক্কানা আগে তার সমাজ্জে মুরোল্যে তারে ফোন গচ্চে।


তার রাঙামাত্যেত্তুন পাহাড়ী ছাত্র পরিষদর ডাঙর ভেই এচ্চোন। মুরোল্যে ছাত্র রাজনীতি গরে।


ভার্সিটিত ভর্তি অয়ে ধরি তে ছাত্র রাজনীতিলোই সম্পৃক্ত এল’। নানান বাবত্যে কামে অনঝুর তুগুধ তুগুধ যেন্দি পায় যেই পায়।তারে ক্যাম্পাসত বেগে গম পান।

তার আঝন মাধন,মানজোর বিপদ আপদে আগে এ্যাঝানা আহ্ বেক্কুন্দোই মিলিজুলি থায়।

ছাত্র সমাজর কাম,জধার কাম,চাদিগাঙর নানান ভাবত্যে ভালেদি কাম্বোই লুদুপুদু গরি থায়।তারে কিয়োই বদনাঙ গরি ন পারন।

তারে দেঘি ভালোক জনে চাদিগাঙরে কোচপেবার লালচ গরন,সেনে কয়েকজন বিশ্ববিদ্যালয় পড়বুয়া সেদাম জুগুলেই জুম্ম জাদ ভালেদি কামত নিজর জীংকানি লাড়েয়র মুক্যে বাগ আহরেওন।

পেজাল্লে চিটাগং ভার্সিটিত সেকেন্ড ইয়ারত পড়ে। তে ইরুক নুও তম্বাউনোত্তুন যুধো।

তার চিন্তে ভাবনা জুমরে নিনেই,জুমর সমাজ,জুমর তাগলগ, জুমর দিঘোল লাঙলরে নিনেই। সেনত্তে ভার্সিটিত যারা পাহাড়ী ছাত্র পরিষদর রাজনীতি গরন তারা পেজাল্লে লোই বারি সঙ পড়ন।

দিনমাগানে বার অন,কধা কন চাদিগাঙর যুধো যুধো জাদর ভালেদি গঙারে।

কলা ঝুপড়ি সিন্দি যাদে যাদে শহীদ মিনার’ সিধু মানেকধনর সমারে পেজাল্লের দেঘা অল’।


পেজাল্লে মানেকধনরে লাগত পেয় কুধু যর কনেয় মুরোল্যের কধা কল’। তারেও কি এক্কান কামে মুরোল্যে কলা ঝুপড়ি সিন্দি যেবার কোয়ে।


যেরেন্দি তারা দ্বিজনে কলা ঝুপড়ি সিন্দি আহধা ধরিলেগ। যেরে কলা ঝুপড়ি সিধু লুমিনেই মুরোল্যে আ রাঙামাত্যেত্তুন এচ্চে ডাঙর ভেই উইন্দোই চিনপজ্জে অলাক।কনে কুত্তুন পরিচয় দিলাক।

পেজ্জাল্লে নাঙান এনে পেজ্জাল্লে ন’ অয়।মানুচ্চো সাঙাধিক পেজ্জাল্লে। তে যিয়ান জানিবের চায় সিয়েন পুনে মাধায় জানিলে তে তিরোচ মরেদে। সেনে তারে তা মা দাঘি পেজাল্লে নাঙ রাঘেয় দোন।

কধা কধে কধে ডাঙর ভেইয়ুন হিল চাদিগাঙর নানান বাবদর কধা কলাক। তারা জুম্ম দুগি মানেউনোর কধা কলাক, কেনে জুম্মউন নিজর ঘর সারি যেই পাধন, কেনে কাপ্তেই গধা আনে জুম্মউনোরে সারানাধা গরি দ্বে আহ্ নানান বাবদর আহভিলেচ বেক্কানি সাগি বাঝি কলাক।


পেজাল্লে মন দি শুনি তারা কধায় সঙ পরি নিজ আদামর কধানি কল। আহ্ জুম্ম জাদর ভালেদি কামর পৈইদেনে নানান বাবদর কধা কল।

তে কল’ জুম্ম জাদর মানেউন সঙ নেই কিনেই, চেদন বলা মানুঝ কম কিনেই আমি উঝেই যেই ন পারির। সে দিন্নে রেদো সম্ভাক সঙ চাদিগাঙর কধা আ দুগী মানজোর কধা কলাক।

যেরে রেত্ ১১.৪৫ বাঝি পেজাল্লে তা রুমত ফিরিলো।দরজা আন খুলি ফ্যান আন বাজে দিনেই বিচ্চোনত পড়িল। ডাঙর ভেইউন্দোই কি কি কধা কলাক সিয়ানি ইদোত তুলি তুলি হিল চাদিগাঙর কধা ইদোত তুলের।

মনে মনে হাক্কনত্তেই তা শিঙোর চাদিগাঙত ফিরি গেল। চাদিগাঙত জুম্মউনে কেনে সেটলার বাঙালুনোত্তুন তোজ্জে কাধন, অনঝুর চিদে মনত উধে।


সেনে সেনে কক্কে কক্কে ঘুম যেয়ে তার গরি ন পারে। বেন্যে পহর অনেই ঘুমোত্তুন জাগিলো।ঘুমোত্তুন জাগি হাক্কন ফেসবুগত সমিল’।

দেঝর সাম্বাদ আ হিলর নানান বাবত্যে সাম্বাদ মাধেল’। পেজাল্লে নানান বাবত্যে বই মাধায়,সেনে তে খবর পায় দেঝ সংসারর ইত্তুক ইত্তুক বিদি যেয়্যি জাগুলুক্কানি।


সে বাদেও তে চীনর কমিউনিস্ট পার্টির বিজগ, ফরাসিউনোর লাড়েই, পিত্তিমির জনম আহ্ পরানবলাউনোর জনম আহ্ কুত্তুন পরানবলাউন বালা বেইয়োন সিয়ানি বেগ তা চিদোত গাধি আঘে।

এক্কা আঘেন্দি মুরোল্যে তারে ফোন গচ্চে। ক্যাম্পাসর জিরো পয়েন্ট অত বিলে বান্দরবানর রুমাত চুর গরি পাত্থর পেধানা মানা গরিবার পৈইদেনে সমাবেশ গরিবাক।


সিয়োত সমার নিনেই পেজাল্লে গেল। তারে সমাবেশত কিঝু কবার দিলাক।
তে পার্বত্য চট্টগ্রামর নানান সমস্যা,অন্যায় অত্যাচারর কধা আহমিঝে রহ্ সারি সারি কল’।

কিত্তেই বারবার জুম্মউন ধঝা কাধন সিয়ানি তুলি দরিল।তে বেঘ সেঝন্দি বেগরে জধা অবার কোজোলি গরি জাধ ভালেদি কামত উঝে এবার কধানি কোইয়ে।


তার মুলুক মুলুক কদানি আজিল ওয়ে বেগে গম পেলাক। পেজাল্লে নিত্য বই পড়ে।সমাজ কিঙিরি জনম লোয়ে সিয়ানি খবর পায়।


যেরেন্দি কন’ এক্কান ন্যায়র সমাবেশ অলে আজিল অয়ওই। তারে গরবা ইজেবে কিঝু কবাত্তে ডাগন।


বাঙালুন যারা প্রগতিশীল রাজনীতি গরন তারাও কোজোলি গরন তারার সমারে রাজনীতি গরিবাত্তে।


পেজাল্লে খবর পায় বাঙালুনোর সমারে রাজনীতি গরিলে জুম্ম জাদর মুক্তি অধ’ নয়। বরং তারারে জুম্ম জাত্তোর সমারে চিনপজ্জ গরি দিলে তারা আমা সমারে এগেমে উঝেই এ্যাভাক।

ইন্দি গেল্লে বারত দেগা ওয়ে ডাঙর ভেইুউনোত্তুন সমর নাঙে একজন্দোই অনুঝর কধা অহধ। তারলোই কধা অলে জুম্ম জাদর বিজগ ফিরে আনানা,জুম্ম জাদর মুক্তির কধা কধাক।

জুম্ম জাধরে কেনে মুক্তি গড়িবেক,চুক্তি কেনে উঝোল গরিবাক সে কধানি আমল গরি কধাক।


পেজাল্লে তা জাধরে সাংঘাদিক কোচপায় কিনেই গমলাগানাত্তুন বেঝ গরি এ্যাঝাল দিধ’।

ইন্দি পেজাল্লে জাদরে কোচপায় কিনেয় মুরোল্যে দাঘি তারা সমারে আহধিবের উচ্চোমি তুলে ধিদাক।

শেঝে জাদরে কোচপেয় পাহাড়ী ছাত্র পরিষদর রাজনীতির সমারে সমারী অইনেয় জাদ ভালেদি কামত আরগানি ফাঙ গরিল’।

বেগ কিঝু ইরি জাদর কধা,বিজগ চিন মাঝারা লো দিনেই নুও সমাজর সমন দেগিবার উধিঝে লারমার আদর্শত নিজর পরান গোঝে দিনেই এ্যাকদিন নিজর মা বাপ, নিজর লাঙোনি ফেলেয় পেজাল্লে জুম্ম জাদর ভালেদী লাড়েয়ত মিঝিনেই ঝার’ পহধত কুচ বারেল’।

জুমজার্নালে প্রকাশিত লেখাসমূহে তথ্যমূলক ভুল-ভ্রান্তি থেকে যেতে পারে অথবা যেকোন লেখার সাথে আপনার ভিন্নমত থাকতে পারে। আপনার মতামত এবং সঠিক তথ্য দিয়ে আপনিও লিখুন অথবা লেখা পাঠান। লেখা পাঠাতে কিংবা যেকোন ধরনের প্রয়োজনে যোগাযোগ করুন - jumjournal@gmail.com এই ঠিকানায়।

আরও কিছু লেখা

ম্যাকলিন চাকমা

Author

Follow ম্যাকলিন চাকমা

Leave a Reply