icon

হেশ হুমোরী (চাকমা ছোটগল্প) -পর্ব ৫

Pollan

Last updated May 12th, 2020 icon 327

• ৫
এই মানেই জীংহানিত্, হদক স্ববন ভাঙি যার, আর’ নুঅ স্ববন বানের। নিত্য নুঅ রঙে সাঝি থায়,নুঅ ধঙে আহ্ঝিল্ অহ্য় । দিন,মাস, বঝর বিদি যার রাজলক্ষ্মীর ঝিবোয়ু লাড়ে২ গরি দাঙর অর । সে লগে দাঙর অহর তা নোনয়্যে স্ববনানি।হধক স্ববন ভাঙি যেয়্যি….। যোক না! আর’ ধ হদক স্ববন আগে দাঙর অর । রাজলক্ষ্মী আগ’ ধারানে গমে-ই আগে।হাম গরে,হামায়্ আহ্ যিগুন পায় সিগুন্নোই মা-ঝি’র গিরিত্তির তিন্নো পেট দোলেদালে-ই ভরণ গরি পারন।হেশ হুমোরিয়ু দি এক্কা ঘর’ হাম বল দি পারে এবার।

ভালা হধা! এধক্কন ধরি যা হধা এক্কা২ গরি হোই এজঙ’র তে অহত্তে হেশ হুমোরী।মিলে ইঝেবে মিলে ধন দোল মুআন তে লঘে গরি আন্নে।বানা দোল নয়, বেক্কানি দোল তে পদি২, সিত্তুন বেজ দোল তা চুলান।তা হালা ঘন’ চুল’নত্তে তে আহমিজে হম্মিচ্ হে পায়,উগুনে বাহ্ বানন হিনে।আহ্ সে চুলানিত্তেই তে নাঙ বোঝেয়ি হেশ হুমোরি।


যাইওক,হেশ হুমোরী ডাঙর অর।লেত্তো, হোরাল্লে,হোজোলি,পরানি দাগিসুত্ত আদাম’র তার আর’ ভালুক্কুন সোমাচ্চে ওয়োন।তারায়ু সে হলক্কানত্ হারা হেলন্নোয় যে হলক্কানত্ এন্ অক্তত রাজলক্ষ্মী দাগি,ননাবি দাগি হেলিদাক।রাজলক্ষ্মী চেই থেদ তা ঝিবোরে আহ্ ইদোত্ তুলিদো তার চিগোন হালর জীংহানিআন।
ওহ! এক্কান হধা, রাজলক্ষ্মী আদামত্ পরঙ ওবার এক বঝর জেরে ননাবি দাগিয়ু পরঙ ওয়োন্দি,তা নেক, পো সুত্তো আদামত্। রাজলক্ষ্মী লাঘত্ পেয়ি তা চিগোন হাল’র সোমাচ্চেবোরে।আগ’ সান নেই আর ননাবি।গম গিরিত্তি ঘর’ পুদোবো ইক্কে তে।সোদান সোদান দিবে মরত পো পেয়ি।আর’ তে মিলে পো ধারাজ গরের।মিলে পো ইক্কো পেলে মা ইজেবে তা হরান ভরি উদিবো।বাহ! হি দোল জনম তার।
সেয়ান্নে গরি চিদে গরি২ অক্ত২ রাজলক্ষ্মী মনান হুঝি ওই উদে। তে যেয়ান্নে গরি থোক তা সোমাচ্চেবু দ দোলে আগে।দোল জীংহানি পেয়ি তে।
লেত্তো-মা লোই লেত্তো-বাবে অক্ত২ তা ঘরত্ বেরা এঝন,তেয়ু বেরা যায় তারা সিদু।লেত্তো-আবত্তে তে এচ্চে এয়ান্নি গরি থেই পারের সেত্তে তে লেত্তো-আব নাঙ ইনি ন ফুরোয়। ঘরানত্ মিলে অহলে তে মরত্ অহলে তে।নানাজনে নানাক্কান হধা হন, সিয়েন সলি২ ওক আর ঘেচ্চে গরি ওক, হদন দ।শুনিলেয়ু ন শুনেত্তে ধক গরি থানা আয়,গরিবার দ হিচ্ছু নেই। পোরেয়্যা মেয়ে-দোয়েলোই বাজানা,আদামানত্ থেবার হেবার জু পেয়েদেয়ু তাত্তে ভজমান বিলি তে চিদে গরে।বাব’ আদাম অলেয়ু বাপ্পো দ ইক্কে নেই,তা ঘোরবোগুন দ নেই।তে ইক্কে তোল্লো,তার ইক্কে নানু নেই।তুঅ মন’ দুঘ’ হধা অক্ত২ লেত্তো-মালোই গপ দেদে২ হয়।তা মুজুঙত্ ন হলেয়ু তা হানত্ দ এঝে।হন’২ মান্নে তারে নেক হেয়্যে হদেয়ু ন ছাড়ন । দিবে২ নেক ইক্কোয়ু বাজি নেই।আদামত্ নানাক্কান বন্নামতউ তা নাঙান নেজাদে জুত্,হিত্তে? তাত্থুন নেক নেই।আহবিলেচ্ হায় তে, তা জীংহানিআন্নোই।হালিক, তুঅ দ সংসারত্ বাজি থা পরিবু।
লেত্তো-আবে জুম গরি হেবাত্তে দেদে একহত্তা জাগানত্ রাজলক্ষ্মী এ বঝর জুম গোচ্ছে।নানাক্কান বীজ-বিজিদি হুচ্ছে তে।মাম্মারা,হিরে,সিন্দিরে,জুড়ো আলু,আর’ তোনপাদ’ হেত্। তুগুনত্থুন ধরি লেঝা সঙ একজুম স্ববন ইক্কে তা চোগোত্ মেল্লে গরি থায়।

ছবিটি এঁকেছেনঃ জওয়াং রাখাইন

আরও পড়ুন হেশ হুমোরী (চাকমা ছোটগল্প) -শেষ পর্ব

জুমজার্নালে প্রকাশিত লেখাসমূহে তথ্যমূলক ভুল-ভ্রান্তি থেকে যেতে পারে অথবা যেকোন লেখার সাথে আপনার ভিন্নমত থাকতে পারে। আপনার মতামত এবং সঠিক তথ্য দিয়ে আপনিও লিখুন অথবা লেখা পাঠান। লেখা পাঠাতে কিংবা যেকোন ধরনের প্রয়োজনে যোগাযোগ করুন - jumjournal@gmail.com এই ঠিকানায়।

আরও কিছু লেখা

Pollan

Contributor

Follow Pollan

One thought on “হেশ হুমোরী (চাকমা ছোটগল্প) -পর্ব ৫

Leave a Reply